Útgefið efni 2013

Á vegum Landsvirkjunar eru gerðar ítarlegar rannsóknir og stunduð umfangsmikil vöktun á áhrifasvæðum allra aflstöðva fyrirtækisins. Að auki rannsakar fyrirtækið fjölmarga þætti sem geta orðið fyrir áhrifum vegna fyrirhugaðra virkjanakosta. Markmiðið er að meta hvort fyrirhugaðir virkjanakostir séu umhverfislega ásættanlegir og einnig að leggja mat á hvort og þá hvernig starfsemi Landsvirkjunar hefur áhrif á umhverfi sitt.

Rannsóknir eru unnar í samstarfi við háskóla, rannsóknarstofnanir og sjálfstæða sérfræðinga. Á hverju ári kemur því út fjöldi skýrslna tengdum umhverfismálum Landsvirkjunar og eru margar þeirra aðgengilegar á Gegni.is, landskerfi bókasafna en einnig má nálgast þær á bókasafni Landsvirkjunar.

Umhverfisskýrsla Landsvirkjunar er nú í fyrsta sinn eingöngu gefin út á rafrænu formi. Nú er því hægt á auðveldan hátt að nálgast skýrslur tengdum umhverfismálum Landsvirkjunar sem gefnar voru út af fyrirtækinu árið 2013. Með því að smella á heiti skýrslu má nálgast rafrænt eintak skýrslunnar. Með þessu vill Landsvirkjun auka aðgengi almennings að upplýsingum um umhverfismál og starfsemi fyrirtækisins.